Link açıqlığı

Qırımlı: Qırım işleri boyunca Departamentte adliyeci ve halqara uquq mütehassısları çalışa


Aslan Qırımlı

Ukraina Nazirler Kabineti yanında teşkil etilgen Qırım ve Aqyar sualleri boyunca Departamentte esasen adliyeci ve halqara munasebetler boyunca mütehassıslar çalışa.Bunı Qırım.Aqiqatqa müessiseniñ yolbaşçısı ve qırımtatar milliy Meclis reisiniñ muavini Aslan Ömer Qırımlı bildirdi.

Onıñ sözlerine köre, işbu strukturanıñ terkibi büyük degil.

«Bugün deparatamentniñ terkibi büyük degil, esasen mütehassıs-analitikler, halqara siyaset mütehassısı, halqara uquq boyunca mütehassıs, halqara iqtisadiy munasebetler boyunca mütehassıs, adliyeciler çalışa»,– dedi Aslan Ömer Qırımlı.

O, Departamentniñ esas vazifeleri olaraq Qırım Muhtar Cumhuriyetiniñ vaqtınca işğali ile bağlı menfiy aqibetlerniñ yoq etilüvi boyunca icraiy akimiyet organlar işiniñ nezareti boyunca Nazirler Kabinetiniñ faaliyetiniñ teşkiliy, haber ve mütehassıs-analitik temin etüvi ve vaqtınca işğal etilgen Qırım Muhtar Cumhuriyetinde ve Aqyarda yaşağan Ukraina vatandaşları ve diger şahıslar ile iqtisadiy, maliye, siyasiy, içtimaiy, medeniy ve diger alâqalarnıñ qurulması belgilengenini qayd etti.

Bundan da ğayrı, Departament Ukraina baş naziri, Ukraina baş naziri birinci muavini ve muavinleriniñ faaliyetiniñ mütehassıs-analitik, teşkiliy teminini etmeli.

Aslan Ömer Qırımlı iyül 1-den Departament müdiri vazifesini eda ete.

XS
SM
MD
LG