Bağçasaraynıñ tarihiy-medeniy qoruğı avgust 1 künü Han sarayda yerleşecek yañı sergini açacaq.
Qırım.Aqiqat mühbiriniñ sözlerine köre, sergide 24 musulman memleketlerinden unikal mektüp pulları taqdim etilecek.
Ziyaretçilerniñ diqqatına kümüş yip ile yapılağan 40 mektüp pulı taqdim olunacaq. Temsil tedbiri saat 11-de (Moskva vaqtı boyunca) başlanacaq.
Bundan da ğayrı, Bağçasarayda İsmail Gasprinskiy ev-müzeyinde avgust 1 künü «Aile defteri saifelerinden qadimiy vaqialar» serlevalı sergi açılacaq.
Qırım.Aqiqatqa Gasprinskiy müzeyiniñ müdiri Yaqub Appazov aytqanı kibi, mında eski aile fotoresimleri numayış etilecek. Eksponatlar müzey fondından ve şahsiy toplamlardan alınğan.
