İyül 1-den qırımtatarlarnıñ tarih ve medeniyetiniñ müzeyi – «Han saray»ğa kiriş fiyatı 100 ruble tura. Bundan da ğayrı, müzey sergileriniñ birisine qoşulmaq içün evelden 80 ruble tolemege kerek.
Han saraynıñ obyektleri boyunca esas ziyaretniñ fiyatı 225 ruble tura. Böyle alda kiriş içün ayırı ödev olmamalı.
Bağçasaray ve Bağçasaray rayonınıñ sakinleri yaşağan yerini isbatlasalar, saray bağçasına bedava kire bileler.
Müzey yolbaşçılığından resmiy izaatnı Qırım.Aqiqat mühbirleri alalmadı.
Büyük han Caminiñ ziyareti seyyalar ve Qırım musulmanları diniy idaresi tarafından keçirilgen diniy bayramlarnıñ iştirakçileri içün bedavadır. Bu aqta Bağçasaray tarihiy-medeniy qoruğı saytında aytıla.
Bunıñ ile müzeyni bedava ziyaret etmek aqqı Sovet Birligi Qaramanlarında, Rusiye Federatsiyasınıñ qaramanlarında, Şüret nişannıñ askerlerinde, 18 yaşına qadar balalarda (er bir aynıñ birinci bazarertesi künü), çoq balalı qorantlarada er bir aynıñ birinci bazarertesi künü) bar eken.
Aqmescit sakinleri arasında Qırım.Aqiqat saytı tarafından keçirilgen sorav neticesinde Han saraynıñ ziyaretçileri paalı kiriş sebebinden çorlamağanı belli oldı.
Bağçasaraynıñ yerli sakini Han saraynıñ azbarında kezmege alışqan turistlerni bu kibi yañılıq suvuta bilecegini tüşüne.
