Link açıqlığı

Aqyar şeer sağlıq saqlav idaresi «ağır» hastalarnı Rusiye federal merkezlerine yollaycaq


Rusiye tarafından işğal etilgen Aqyardan Rusiye federal tibbiy merkezlerine 742 hastanı yollaycaqlar. Bunı iyül 30 künü Aqyar şeer sağlıq saqlav idaresiniñ başı Yuriy Voskanân bildirdi.

Onıñ sözlerine köre, bedava yüksek tehnologik yardımnı endi hastalarnıñ 15% kördi.

«Rusiyeniñ eñ eyi federal tibbiy merkezleri bu hastalarnı bedava qabul eter», – dedi Voskanân.

Sağlıq saqlav idaresiniñ malümatına köre, yollamalarnı yürek-damar, onkologik hastalıqları olğanlar elde eter.

İşbu leyhanıñ Qırım ve Aqyarda keçirilmesi içün sağlıq saqlav nazirligi 500 mln rubleni ayırdı.

XS
SM
MD
LG