İşğal etilgen Qırımnıñ «baş nazir muavini» Nikolay Yanaki iyül 30 künü toplaşuvda Rusiyede Ukraina süt mahsulatınıñ ketirüv yasaqlığı Qırımğa tarqatılmaycağını bildirdi. Bunı Qırımnıñ öz başına ilân etilgen akimiyetiniñ «ruporı» «Krıminform» saytı bildire.
«Sıñırlav bizge tiymecek. Ukrainada süt mahsulatını istisal etken 11 büyük şirket mahsulatını ketirmege devam etecek», – dedi o.
Qırımğa Ukraina süt mahsulatınıñ ketirilüvi aqqında añlaşma Rospotrebnadzor ile birlikte alındı, – dedi Yanaki.
«Şimdi tranitke yol bermemek kerekmiz. Çünki bazı iş adamları Qırımdan süt mahsulatını tranit ile Krasnodar diyarına ketirmege tırışalar», – dedi «baş nazir muavini».
İyül 28 künü Rusiyege Ukrainadan süt ve süt mahsulatınıñ ketirüv yasaqlığı alındı.
