Qırım «baş naziri» Sergey Aksönov avalesi ile keñeşçi vazifesinden boşatılğan Rustam Temirgaliyev Qırım «baş nazirine» teşekkürlerini bildire.
Teşekkür sözlerini Temirgaliyev Facebook saifesinde yazdı.
«Dostlar, Sergey Aksönovğa pek minnetdarım» Birlikte fevral-mart aylarınıñ ağır künlerini kördik, birlikte keçici müddetniñ nice meselelerini çezdik! Eñ esası, Qırım – Rusiyedir!», – dep yazdı o.
Rustam Temirgaliyev işten çıqarılğanı aqqında malümat iyül 29 künü peyda oldı. Bugün saba «Nazirler Şurası»nıñ matbuat hızmeti Aksönovnıñ mütenasip avalesini aşkâr etti.
