Çarşenbe künü iyülniñ 30-nda Moskva şeer mahkemesi «Hizb ut-Tahrir al-İslami» firqası azaları tarafından akimiyetniñ zapt etilüvi ve Anayasa qurumınıñ zorbalıq ile deñiştirilüvinen bağlı iş boyunca öz qararını ilân etecek. Bunı Радио Свобода bildire.
Taqiqatçılarnıñ fikirince, dört mahkum etilgen şahıs bir qaç yıl içinde Moskva ve civarında yasaq etilgen teşkilâtnıñ blüklerini açıp, azalarını silâlandırğanlar. Esas maqsadları Rusiye Federatsiyasınıñ devlet organlarını devirip, akimiyetni öz eline keçirmek edi.
Mahkum etilgenlerniñ özü teşkilât azaları olğanını inkâr etmeyler, amma Rusiye akimiyetni zapt etmek maqsadları yoq edi, deyler.
Rusiye Qırımnı işğal etken soñ, Hizb ut-Tahrir firqasınıñ çoqusı azaları yarımadanı terk ettiler. Ukraina territoriyasında bu halqara teşkilât yasaq degil.
