Link açıqlığı

Lugansk ve Donetsk vilâyetlerinden ukrainlilerni uçaqlar ile Rusiyeniñ Ulyanovsk vilâyetine yollaylar


Ulyanovsk vilâyetine Lugansk ve Donetsk vilâyetlerinde yaşağan Ukraina vatandaşları ile uçaq keldi. İTAR-TASS agentligine Ulyanovsk vilâyetiniñ sağlıq saqlav ve içtimaiy inkişaf naziriniñ muavini Yekaterina Smoroda aytqanı kibi, gece 116 insan keldi.

«Ulyanovsk şirketleri, olarnıñ arasında «Aviastar-SP» aviaquruculıq zavodı, köy hocalıq iş adamları ve şahsiy şirketlerniñ reberleri Ukraina vatandaşlarına 200 iş ve mesken yerlerni teklif etti», – denile beyanatta.

«Uçaq ile 13-15 insandan ibaret olğan qorantalar keldi, soy-soplarnı yan-yanaşa yerleştirdiler», – dep qayd eteler gumanitar yardımnı köstergen vilâyet ştabında.

Kelgenlerniñ yarısı Ulyanovsk vilâyetiniñ Pavlovsk rayonınıñ bala evi binasında yerleşti, digerlerni Dimitrovgrad ve Ulyanovsk müessiselerine yolladılar.

Bundan da ğayrı, daa 15 insan tren ile keldi. Şimdi ukrainlilerniñ sayısı 800 insandan çoq, olardan 200-den ziyadesi baladır.

Qaçaqlarnı öz evlerinde regionnıñ 70 sakini yerleştirmege razı oldı.

XS
SM
MD
LG