Link açıqlığı

Qırım lagerine Başqurtistandan insanlarnı qurtarğan 11 balanı yollaycaqlar


Başqurtistanda cesürlikni köstergen ve insanlarnı qurtarğan 11 balanı iyül 29 künü nişan ve «Bereg» qırım lagerine yollama ile taqdirlediler. Bunı İTAR-TASS bildire.

«Yardım qolunı uzatmağa kerek olğan vaqıtta siz bunı yaptıñız. Siz cesürlik, irade ve tabiatıñıznı kösterip, ağır vaziyette bulunğan insanlarğa yardım ettiñiz», – dep ayttı merasimde regionnıñ başı vazifelerini eda etken Rustem Hamitov.

Balalardan birisi, 10 yaşında olğan Semön Davıdov 2013 senesi dekabrde dairede yanğın vaqıtta eki oğlan ve bir qız qardaşını qurtardı. Qomşularnıñ bildirüvi ile kelgen yanğıncılar diger qatlardan 19 insannı tahliye ettiler, şu cümleden 9 balanı, ve tezden ateşni söndürdiler, – dep bildire neşir.

17 yaşında olğan Rufina Latıpova yaldamağa bilmegenine baqmadan, batayatqan insannı qurtardı. Mukâfatlanğanlar ana-babaları ile 21 künge Aluştağa baracaqlar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG