İşğal etilgen Qırımda bazı ilâchaneler fiyatlarnı Qırım «Nazirler şurası» talapları boyunca belgilemege razı olmadılar. Bunı Qırım «Sağlıq saqlav nazirliginde» bildireler.
İlâchane saipleri öz areketlerini mahsulatnıñ qalımtısı qararnıñ alınmasından evel satılğanı ile añlatalar.
«Bazı subyektler ilâclarnı 25% arttıruv ile satmağa istemegeni aqqında bildirdiler», – denile beyanatta.
Aynı zamanda, Qırım «sağlıq saqlav nazirliginde» şunı bildireler ki, iyül 29 künü Qırımda ilâc boyunca devlet hızmeti yarımadada satılğan ilâclarnıñ fiyatları ile bağlı bayağı bozuluvlarnı tapqan eken.
Evel qayd etilgeni kibi, Qırımnıñ öz başına tayin etilgen baş nazir Sergey Aksönov ilâc fiyatları tüşürilmegen olsa, satıcılarğa teşkerüvlerni keçirmege vade etken edi.
