Aqyardan qapalı şeerni etmek içün acet yoq, bunı Aqyarnıñ «vali vazifelerini eda etken» Sergey Menâylo bildirdi, dep haber ete öz başına ilân etilgen akimiyetniñ ruporı «Krıminform» saytı.
«Şeer sakinler içün telükesiz olmalı, amma akimiyet qararlarından iqtisadiy maqsatqa uyğunlıq olmaq kerek. Eger de şeer açıq olsa, insanlar bizge kelip raatlana, bücetni tolduraсаq. Onı qapatsaq, hazinemizge de bir şey kelmez», – dedi o.
Onıñ fikrince, Aqyardan qapalı şeerni etmek içün acet yoq.
Evel Aqyar deputatı İvan Yermakov öz zenaatdaşlarını Rusiye akimiyetine şeerni qapatmaq ricası ile buyurmağa çağırdı. Onıñ aytqanı kibi,böyleliknen yarımadada kazino neticesinde peyda olacaq cinayetçilerden qurtarılmaq mümkün. Onıñ teşebbüsine bir qaç şeer deputatı qol tuttı.
Devlet duması iyül 4 künü ekinci ve üçünci oquvda Qırımda oyun zonasınıñ teşkil etilmesi aqqında qanun leyhasını qabul etti.
