Bazarertesi künü, iyül 28-de, tahminen saat 20:00 Aqyarnıñ merkeziy tükânı yanında patlav yüz berdi.
Bunı Sevastopolskiye novosti bildire.
Şaatlarnıñ sözlerine köre, belgisiz adam 50-letiya SSSR meydanında olğan tükânçıqqa torbaçıqnı ketirip, satıcığa anda bomba olğanını ayttı.
Satıcı politsiyanı çağırdı. Uquq qoruyıcı organlarnıñ hadimleri meydannı sarıp aldılar. Yolnı Menşikov soqağı ve merkeziy tükân keçiti arasında qapattılar. Bundan soñ patlav yüz berdi.
«Krıminform»nıñ malümatına köre, bombanı ketirgen insan yaqalandı. Adam sarhoş alda edi.
Aqyar boyunca MVD İdaresiniñ matbuat hızmeti bildirgenine köre, tükândan kelgen davuş patlav tehniklerniñ bombanı toqtatmaq areketleri sebebinden çıqtı.
