«Qırımtatarlar qarşılıq areketinde» Rusiyeniñ qrımtatarlarğa nisbeten siyasetini aşalayıcı olaraq tanımaqnı ve onı toqtatamaqnı talap eteler.
Bu aqta ricanı ırq aşalavınıñ yoq etilüvi boyunca BMTnıñ Komitetine areketniñ koordinatorı Nedim Halilov beyan etti.
Onıñ fikirince, Rusiyeniñ aşalayıcı areketleri: «Rusiye Federatsiyasınıñ qırımtatar milliy territoriyasınıñ qanunsız işğali, olarnıñ mecburen topraqlarını terk etüvi, aqlarınıñ sıqıştırıluvı, qırımtatarlarnıñ çöküvi, assimilâtsiyağa oğratıluvı içün araitlerniñ meydanğa ketirilüvinden» ibaret.
Aynı zamanda, Halilov bu kibi areketlerde Ukrainanı da qabaatlay.
Mezkür arizada, areket iştirakçileri Birleşken Milletler Teşkilâtını Qırımnı öz imayesi altına almağa rica eteler.
Qayd etmeli ki, bundan evel, teşebbüsçiler tamam bu kibi rica ile insan aqları boyunca Avropa mahkemesine muracaat etken ediler.
BMT-nıñ yuqarı komissarı İdaresinde Qırımda insan aqları vaziyetinen bağlı öz qasevetini bildirgen ediler.
BMT-nıñ malümatına köre, mart 16 künü ötkerilgen «referendumğa» qarşı çıqqan ukrain vatandaşları, qırımtatarlar, diniy azlıq ve teşebbüsçilerge qarşı areketler devam etmekte.
