Ukraina şarqiy regionlarından Qırımğa köçip kelgenlerniñ çoqusını Rusiye Federatsiyasınıñ diger regionlarına yollamağa devam eteler. Bunı iyül 28 künü Qırımnıñ öz başına tayin etilgen baş naziri Sergey Aksönov bildire.
Onıñ sözlerine köre, şimdi yarımadada Ukrainanıñ tahminen 5 biñ vatandaşı buluna, – dep bildire Qırımnıñ öz başına tayin etilgen akimiyetine yaqın olğan «Krıminform» saytı.
«Qırım imkânları sıñırlı, insanlarnı qabul etmege azır olğan Rusiye regionlarına minnetdarmız. Qırım büceti şimdi yoq ve o kendi vastalarını qaçaqlarğa masraf etip olamaz», – dedi o.
O şunı da qayd etti ki, şimdi Qırımda vaqtınca yerleşüv noqtaları çalışa eken.
Evel işğal etilgen Aqyar Ukraina şarqından köçip kelgenlerniñ bir qısmını Rusiye diger vilâyetlerinde yollaycağı aqqında malümat bar edi. İyül 27 künü Rusiye Fevqulâde vaziyetler boyunca nazirlig İl-76 uçağı ile Donetsk ve Lugansk vilâyetlriyenden kelgenlerni Rostov-na-Donu ve Başqurtistan Cumhuriyetine yollaycağını bildirdi.
