Link açıqlığı

Qırımda daa eki Rusiye bankı öz bölüklerini açtı


İşğal etilgen Qırımda daa eki Rusiye bankı öz bölüklerini aça. Qırımnıñ öz başına tayin etilgen akimiyetiniñ «ruporı» «Krıminform» saytı bildirgenine köre, Aqmescitte «AkademRusBank» ve BKF banklarnıñ bölükleri peyda oldı.

Evel bildirilgeni kibi, Qırımda burât ve çuvaş banklarnıñ bölükleri açılğan edi.

KB «Akademiçeskiy Russkiy Bank» (AkademRusBank) 1990 senesi Moskvada teşkil etildi. Banknıñ kapitalı 330 mln. rubleni teşkil ete. Temiz esaplarnıñ miqdarı boyunca bank Rusiye ödünç teşkilâtlarınıñ 700-ne kire.

OOO «Bank BKF» 1994 senesi Moskvada teşkil etildi. Temiz esaplarnıñ miqdarı boyunca bank Rusiye ödünç teşkilâtlarınıñ 314 yerini ala. Banknıñ kapitalı 550 mln. rubleni teşkil ete.

Qırımda, iyül 25-ne, Rusiye banklarınıñ 445 bölügi çalışa. Qırımnıñ işğaline qadar regionda tahminen biñ bölük edi.

Neşirniñ malümatına köre, Qırımda RNKB banknıñ tahminen 300 bölügi bar. Bundan da ğayrı regionda Krayinvestbank, Genbank, Cast Bank, bank «Pervomayskiy», KB «Rublev», VladiKomBank, FİA-Bank, Severnıy kredit, AB «Rossiya», Mast-bank, «Kuban Kredit», «Finansovıy standart», Ruskobank, bank «Verhnevoljskiy», Agroinkobank, Smartbank, AKB «Smoleviç», AB «Taatta», ÇBRR, «Morskоy», BDB BaykalBank çalışa.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG