Rusiye eykelci Zurab Tseretelige Aqmescitte II Yekaterina abidesini ğayrıdan tiklemege teklif etecekler. Onı keçken asırnıñ 20-nci seneleri yoq ettiler.
Bunı RİA Novosti agentligine Qırım paytahtınıñ şeer başı Viktor Ageyev bildirdi.
Onıñ sözlerine köre, II Yekaterina abidesiniñ ğayrıdan tiklenüv meselesi şeer cemaatçılığı tarafından defalarca köterilgen edi. Bu mevzuda soñki subet Aqmescit mitropoliti ve Qırım Lazari ile keçirildi.
«Vladıka Tsereteli ile qonuşıp, oña abideni tiklemege teklif etecek edi. Razı olsa, biz oña qol tutacaqmız», – dedi Ageyev.
Abide taşı Aqmescitte daa 2006 senesi qoyuldı. Abide tiklenmesine qarşı qırımtatarlar çıqa edi. Mustafa Cemilev, Meclisniñ başı olaraq, Qırımda bu kibi abideniñ olması qırımtatarlar içün aqaret olğanını bildire edi. 2007 senesi bu munasebet ile qırımtatarlar narazılıq numayışlarını keçire ediler.
