Link açıqlığı

Biñlernen musulmanlar Aqmescitte Oraza bayram munasebeti ile bayram namazına keldi


Qırım paytahtında Zenaat birligi medeniyet evinde Oraza bayram munasebeti ile bayram namazı keçirildi.

Qırım.Aqiqat mühbiri aytqanı kibi, bayram namazı saat 7:11 başlandı ve tahminen biñ insannı topladı.

Qırım musulmanları diniy idaresinde Qırımda Büyük cami olmağanı sebebinden Oraza bayram namazı er Zenaat birligi medeniyet evinde, meydanlarda ve diger binalarda keçirilgenini qayd eteler.

Bu sene bayram bazarertesi kününe keldi ve qırımlılar içün resmiy şekilde raatlıq künü oldı.

Oraza Bayram – İslâm taqviminde eki eñ büyük ve müim bayramlarından biridir. Mubarek Ramazan ayı bitkeninen Oraza Bayram qayd etile.

Bayram künü musulmanlar bayram namazına toplaşalar, eñ yahşı urba kiyeler, ananeviy yemekler pişireler, namazdan soñ bayram sofraları donatıla, er kes bir-birini hayırlay, adamlar qomşu, soy-soplarnı ziyaret eteler.

Muminler bir-birini «İd mubarak!» sözleri ile hayırlaylar. Bayram künü ve onıñ arfesinde zakât-al-fitr cıyıla. Toplanılğan para onda muhtac olğanlarğa tarqatıla.

XS
SM
MD
LG