Link açıqlığı

Qırımda öz başına tayin etilgen baş nazir adından iftar keçirildi


İşğal etilgen Aqmescitte iyül 25 künü öz başına tayin etilgen baş nazir Sergey Aksönovnıñ adından iftar keçirildi. Bunı Qırımnıñ öz başına ilân etilgen akimiyetiniñ «ruporı» «Krıminform» saytı bildire.

Tedbirde Akönov adından Qırım musulmanlarına hayırlavnı bildirgen Qırım «Nazirler şurası» reisi muavini Ruslan Balbek iştirak etti.

Soñra iftarğa kelgenlerni milletler ve sürgün etilgen vatandaşlarnıñ işleri boyunca Qırım komitetiniñ başı Zaur Smirnov selâmladı.

«Bugün biz Qırımnıñ tarihında ilk sefer iftarnı cumhuriyet başı adından keçiremiz. Sergey Aksönovnıñ fermanı ile Oraza bayram tek raatlıq künü degil de, cumhuriyetniñ devlet bayramlarından biri oldı. Bu ise Qırım halqları endiden yarımadada bir qoranta olacağını isbatlay», – dedi Smirnov.

Oraza bayram – orazanıñ bitkenini bildirgen islâm taqvimniñ eñ müim künlerinden biridir. Bu kününi qayd etmek adet atta Muhammed Peyğamberniñ zamanından, yani 624 senesinden kele.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG