Kezlev şifahanelerninde raatlanğanlarnıñ sayısı bıltır olğan seviyege yaqınlaşa, dep bildirdiler şeer yolbaşçılığı matbuat hızmetinde.
Kezlevniñ 52 şifahenesinde ve 65 şahsiy musafirhane ve istiraat evlerinde 21519 insan bulunmaqta.
«Bıltır olğanından tek 16% artta qala», – dep qayd eteler matbuat hızmetinde.
Raatlanğanlarnıñ yarısı – balalardır. 13719 baladan 7522 – qırımlı, 5426 Rusiye qıtaiy qısmından keldi ve 771 Ukrainadan.
Kezlev şeer yolbaşçılığında şunı da qayd ettiler ki, insanlarnıñ sayısını «Yevpatoriyskaya» mineral suv ile büvetniñ vastası ile belgilemege mümkün eken. İyül ortasında mında künde 200 insan kelgen olsa, şimdi 300 yaqınlaşa.
