Qırım ve Aqyarnıñ futbol federatsiyalarınıñ Rusiye futbol birligine kirüv meselesi iyül 30 künü baqılacaq, dep bildirdi RFB prezidenti Nikolay Tolstıh.
«İcra komitetiniñ nevbetteki toplaşuvında Qırım ve Aqyarnıñ futbol federatsiyalarınıñ Rusiye futbol birligine kirüv meselesi baqılacaq», – dedi o.
Evel Qırım ve Aqyar futbol federatsiyaları ve «Jemçujina» (Yalta), Aqyar flotunıñ Sport klubı, SKİF (Aqmescit), «Ahtiar» (Aqyar) ve «Okean» (Keriç) klubları RVB-ne iyün 7 künü qoşulmaq kerek edi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
