Link açıqlığı

Saatnıñ esas haberi

Smedlâyev: «Avdet»ke kelgen şikâyet içün mesüliet olmalı


Qırımtatar milliy areket iştirakçisi, Qurultaynıñ merkeziy saylav komissiya reberi Zair Smedlâyev «Avdet» qırımtatar gazetasına olğan şikâyetler yañlıştır dep tüşüne ve bu kibi areketler diqqatsız qalmamaq kerekligini bildire.

Bunı Smedlâyev «Avdet» gazetasına ekstremist malümatınıñ basıluvı boyunca kelgen şikâyetni izaatlap, Qırım.Aqiqat saytına ayttı.

«Şikâyetçiniñ öz yeri bar. Şikâyet etmege ögrendi, qanunlarnı ise oqumağa bilmey. Saylavlarda iştirak etmemek çağıruvlar ekstremist faaliyet degildir. Ekstremizm aqqında qanunnıñ umumiy qaideleriniñ birinci maddesinde ekstremizm – vatandaşlarğa olarnıñ saylav aqlarını eda etmege küç vastası ile bermemektir, mında ise şahsiy noqtaiy nazarnıñ ifadesidir», – dedi Smedlâyev.

Onıñ sözlerine köre, Rusiye Federatsiyasınıñ Anayasâ 13-nci maddesine köre, Rusiyede mefküreviy çeşitlik tanıla ve iç bir mefküre devlet ya da mecburiy olaraq belgilenmez.

«Şikâyetni yazğan, ömür boyu şikâyetçi edi. Şimdi ise bunı cezalanmayıp ete bilecegini tüşündi. Amma ondan şu şikâyetni alğanlar barıp onı çaqacağını tüşünmey edi», – dedi qırımtatar milliy areket iştirakçisi.

Evel haber etilgeni kibi, Alâqa, informatsion tehnologiya ve kütleviy kommunikatsiya nezareti boyunca Federal hızmetine Rinat Şaymardinov adından «Avdet» qırımtatar gazetasına şikâyet kelgen edi. O, «Avdet» gazetasını ekstremist malümatnıñ tarqatıluvında qabaatladı. Böyle malümatnıñ sırasına o, misal içün, qırımtatar milliy Meclisiniñ iyül 4-de alınğan «Devlet şurasına» ve akimiyetniñ yerli organlarına saylavlarnı boykot etmege qararınıñ basıluvını kirsetti.

«Avdet» gazetası qırımtatar milliy Meclisiniñ neşir organı sayıla. 1990 senesi iyül 15-den neşir etile.

XS
SM
MD
LG