Rusiye Federal toplaşuvınıñ Federatsiya Şurasınıñ azası Sergey Tsekov Qırım «23 yıl devamında» Rusiyeniñ ayırılmaz qısmı olğanında emindir. Bunı o Vladimir Vısotskiy serefine qoyulğan abideniñ açılış tedbirinde ayttı, bep haber ete Qırım.Aqiqat saytı.
«Soñki dört ay devamında bizni Vatanımız, Yurtumız ile birlrştirgen nice deñişüv olıp keçti. Biz 23 yil devamında yaşağan memleket ile birleştik», – dedi Tsekov.
O emindir ki, bu 23 yıl içinde qırımlılar «adaletsizlikke çıdap yaşay ediler».
«Qırımnıñ rus cemaatı bu yıllar devamında pek qıyın ömür yaşadı. Amma çoq arz etken şeyni qazandı. Ulu, büyük, itibarlı Rusiye ile birleşmege arz ete edik», – dedi Tsekov.
Sergey Tsekov 1990 senesi iyül 16 künü Ukrainanıñ devlet mustaqilligi aqqında Deklaratsiyağa qol tutmağan USSR Yuqarı Şurasınıñ deputatlarından birisi edi. 1991 senesi Ukrainanıñ mustaqilligi aqqında referendumnıñ arfesinde Sergey Tsekov qırımlılarnı Ukrainanıñ mustaqilligi aqqında Fermanğa qarşı rey bermege çağırğan yekâne Ukraina halq deputatı oldı.
