Link açıqlığı

Ekologlarnıñ tahminlerine köre, teşkil etilmesi şimdiki «akimiyet» tarafından alğışlanılğan oyun zonasını Yalta dağ-orman qoruğında qura bilecekler.

Bunı olar Kiyevde matbuat konferentsiyası devamında bildirdiler.

«Büyük Yalta rayonında oyun zonasını teşkil etecek olalar. Qaysı yerde onı teşkil etecekler? Yalta qoruğı bar», – dedi Aqyarnıñ cemaat ekologik teşkilâtları Şurasınıñ reisi Margarita Litvinenko.

Ekologlarnıñ sözlerine köre, muim meselelerni çezmek yerinde: Balıqlavada kanalizatsiyanı qurmaq, Yaltada temizlev inşalarnı deñiştirmek, çöplük meselesini al etmek yerinde şimdi para hırsızlanuvınıñ yañı shemaları işlep çıqarıla.

«Menimce, doğrudan-doğru rus kriminalı olacaq. Qırım toprağı şimdi az nezaret etilgeni sebebinden, para hırsızlanacaqtır», – dedi Aqyarnıñ cemaat ekologik teşkilâtları Şurasınıñ azası Nikolay Podolâk.

Ekologlar tahmin eteler ki, Qırımda oyun zonasınıñ teşkil etilmesine qarşı tek faaliyetçi ve cemaatçılıq degil de, kilse de qarşı çıqqan edi.

Rusiye prezidenti Vladimir Putin Qırımda oyun zonasınıñ teşkil etilmesi aqqında fermannı imzaladı. Vesiqağa köre, Qırımda oyun zonasınıñ sıñırları regionnıñ icraiy organları tarafından belgilenecektir. Evel Qırımda oyun ticareti yasaq edi.

XS
SM
MD
LG