Link açıqlığı

Matbuat vastaları: Cankoy şeer başı istifağa çıqtı


Arkadiy Zaydman Cankoy şeer başı vazifelerinden çıqtı. Avgust 1-den şeer başı vazifelerini onıñ birinci muavini Lüdmila Belaşova eda etecek, dep bildire yerli media-portal «Mediovolna».

İşbu qarar cuma künü, iyül 25-de, şeer şurasınıñ nevbetten tış sessiyasında alındı.

Zaydmannıñ istifasına toplaşuvda bulunğan deputatlarnıñ 2/3 qısmı – 19 deputat qol tuttı.

Neşirniñ malimatına köre, rey berüvden evel Zaydman deputatlarğa oña bu qararında qol tutmağa ricada bulundı. Şeer başı aytqanı kibi, arizanı kendi istegi ile yazğan eken.

«Sizlerge işimiz içün minnetdarım. Ketmek kerekim. Meni añlamalısıñız», – dedi o zenaatdaşlarına.

Sualnıñ muzakeresi vaqtında yerli deputatlar öz noqtaiy nazarını deñiştire, bir qaç kere rey bere edi ve atta bir on daqiqalıq teneffüske çıqqan ediler. Neticede qarar leyhası butünley qabul etildi.

Arkadiy Zaydman Cankoy şeer şurası başında 2010 senesi noyabr 17-den tura edi.

İyül 24 künü Or Qapı şeer başı Taras Filipçuk ve şeer şurasınıñ kâtibi Yuriy Sirotkin istifağa çıqtılar.

XS
SM
MD
LG