Kelecek afta, iyül 29 künü, Keriçte şeer şurası sessiyası keçirilecektir.
Keriç şeer yolbaşçılığınıñ matbuat hızmeti bergen malümatına köre, sessiya baquvına Vladimir İdtnıñ Keriç şeer şurası kâtibi vazifesinden boşatıluvı aqqında mesele çıqarılacaq.
İyün 30 künü istifağa Keriç şeer başı Oleg Osadçiyni yolladılar. Deputatlar şeer başınıñ birinci muavini vazifesine Roman Romanovnı tayin ettiler. Bunıñ ile o, şeer yolbaşçısınıñ vazifelerini eda etecektir. İyül başında şeer başı muavini vazifesinden Aleksey Milovanov boşatıldı.
