Aqmescitli rejissör, «Karman» art-merkeziniñ bediy reberi Galina Cikayeva işğal etilgen Qırımnı terk etmege mecbur. Federal Havfsızlıq hızmeti onı terroristik areketlerniñ azırlanuvında iştirak etkeninde şekley.
Cikayeva bildirgeni kibi, onı FHH-ne davet ettiler ve yarımadada teraktlarnıñ azırlanuvında şeklengen Öleg Sentsovnıñ işi boyunca çağırttılar.
«Aynı zamanda, Anton Romanov, bizim rejissörimiz, Оleg Sentsov ve bir gruppa aktörlar ile körüşkenleri aqqında söylengen edi, menimce «Karman» art-merkezi havflı vaziyette buluna. Em de, yemin etem, art-merkeziniñ iç bir aktöri bu körüşüvlerge barmaid», - dedi Cikayeva.
Aytqanına köre, böyle şaraitlerde teatrni saqlap qalmaq ve işni devam ettirmek imkân olmaz.
«Men ketmege mecburım. Tek, qalğan hadimlerni qasevet etem», - qayd etti Cikayeva.
Sözlerine binaen, 15 hadimi telükeli vaziyette bulunalar.
Ukrain rejissöri Оleg Sentsov ve Ukrainanıñ daa 3 vatandaşının FHH mayısta yarımadada yaqaladı. Gennadiy Afanasyev, Aleksey Çirniy, Aleksandr Kоlçenko ve Оleg Sentsovnı Aqyar, Yalta ve Aqmescitte teraktlarnıñ azırlanuvında şekleyler. Rusiye FHH-ti olarnı «Правый сектор» azaları olaraq adlay, amma, urain tarafı bunı red ete.
