Link açıqlığı

Qırımtatarlar lideri Mustafa Cemilev ve Meclis reisi Refat Çubarov Avropa parlamenti deputataları ile işğal etilgen Qırımda yaşağan qırımtatar halqı aqlarınıñ bozuluvını muzakere ettiler. Bunıñ aqqında Meclisniñ matbuat hızmeti bildirdi.

Körüşüv Kiyevde, cuma aqşamı künü, iyülniñ 21-nde ötkerildi.

Meclisniñ matbuat-hızmeti bildirgenine köre, tedbirde işğal etilgen Qırımnıñ vaziyeti, ayırıca insan aqları ve qırımtatar halqı aqlarınıñ bozuluvı meselelerine dünya cemaatçılıqnıñ riayet etilmesi kerekligi qayd etildi.

Neticede iştirakçiler, «Avropa birliginiñ müessiseler çerçivesinde ,Meclisnen birlikte, işğal etilgen Qırımda qırımtatar halqınıñ menfaatları ve aqlarınıñ qorçalanuvı» aqqında añlaştılar.

Yarımada Rusiyege keçken soñ, qırımtatarlarnı yerli «akimiyet» ve rusiyeli küçler tarafından taqip etüv adiseleri sıq yüz berip başladı. Bu kibi repressiyalarğa Mustafa Cemilevni sıñırda qarşılağan vatandaşlar oğratıldılar.

Bugün de bugün Mustafa Cemilev ve Refat Çubarovğa yarımadağa kelmek yasaqtır.

Rusiye küçleriniñ vekilleri qırımtatarlarnıñ evlerinde, musulman medreselerinde, qavehanelerinde tintüvler ötkereler.

XS
SM
MD
LG