Link açıqlığı

Bazar ertesi künü, iyülniñ 28-nde Aqmescitniñ Kiyevskaya,115 menzili boyunca yerleşken profsoyuzlar medeniyet Sarayında Oraza bayramı munasebetinen bayram namazı qılınacaq.

Bunı Qırım musulmanları diniy idaresi bildire.

«Bayram namazına Aqmescitte biñlerce musulmanlar toplaşa. Qırım paytahtında cuma cami olmağanı sebebinden, Oraza bayramı namazı medeniyet Sarayı, sport meydançıqlrı ve diger binalarda ötkerile», - dep aytıla bildirmede.

Müftiyat, Ramazan şevval ayınıñ başlanuvınen yekünlengeni, bayram ise, 3 kün devam etkenini hatırlattı. 2014 senesi bayramnıñ birinci künü iyülniñ 28-ne rast kele.

Bayram namazı Aqmescitte saat 7:11 başlanacaq.

Bu sene, Oraza bayramı munasebetinen Qırım «baş naziri» Sergey Aksönov iyülniñ 28-ni raatlıq künü olaraq ilân etti.

XS
SM
MD
LG