Tataristan işğal etilgen Qırımda studentlerni yarımada ve Rusiye regionlarında köy hocalığı ve ocalıq işlerine celp etmek içün talebe taqımlarnıñ ştabını teşkil etecek.
Tataristan student iş taqımlarınıñ cumhuriyet merkeziniñ müdiri Rinat Sadıkovnıñ sözlerine köre, bu bölük Bağçasaray rayonında yerleşecek ve «kelecek qurucılıq mevsiminiñ başlanması ile işke buyuracaq» eken.
Sadıkovnıñ aytqanına köre, işbu ştabnıñ teşkil etilmesi zaruriy iştir. Onıñ sözlerine binayen, soñki 20 yıl devamında bu yöneliş ile kimse oğraşmadı.
«Studentlerni meyva bereketiniñ cıymasına bile celp etmey ediler», – dedi müdir.
«Kelecek sene Bağçasaray rayonında yollarnıñ tamir işleri başlaycaq. Qırım studentleri bu işlerde iştirak emtese, kim etecek», – dep añlata Sadıkov bu kibi bölüklerniñ peyda etüv maqsadını.
O şunı da qayd etti ki, bu sene Tataristan studentleri qırımlılarğa meyva bereketini cıymağa yardım etecek eken.
«Şimdi biz Qırımnıñ Bağçasaray ve Qurman rayonlarına studbolüklerniñ yollanıluv meselesini al etemiz. Olar şeftali, yüzüm ve almalarnı cıyacaqlar. Mında tahminen 50 insan iştirak ete bilecek», – dedi Sadıkov.
Tataristanda tahminen 200 student bölügi çalışa, umumiy sayısı – 10 biñden ziyade insan. Studentler tek cumhuriyette degil de, Rusiyeniñ diger regionlarında da çalışa.
