Link açıqlığı

Qırım yengil atletlerini Qazanğa ketirdiler, amma iştirak etmege izin bermediler


Qazanğa Rusiye çempionatına kelgen Qırım atletleri yarışta iştirak etip olamaycaqlar, çünki böyle alda Bütün Rusiye yengil atletika federatsiyasına nisbeten (VFLA) Yengil atletika federatsiyalarnıñ halqara birleşüvinden (IAAF) cezalar kirsetile bilir. Bunı matbuat konferentsiyası devamına VFLA prezidenti Valentin Balahniçev bildirdi, dep haber ete İTAR-TASS.

Neşirniñ malümatına köre, Rusiye çempionatına Qırımdan on sportçu keldi. Olarnıñ arasından Yalta mizraq atıcıları Vera Rebrik ve Rustem Dremci, Yevgeniy Semenenko (üçleme atlama). Bundan da ğayrı Qazanğa Saqtan toqmaq atıcı Aleksey Sokirskiy, Kezlev, Aqyar ve Aqmescit çapqıcıları Ruslan Perestük, Aleksandr Taradin, Kseniya Savina, Anastasiya Bondar, Fuad Farjani, Valeriya Mara keldiler.

«Qaideler olarğa çıqışta bulunmağa imkân bermey, çünki böyle alda cezalar kirsetile bilecek. Ukraina federatsiyası ile ketişat, iş ketişatı devam ete. Onı tezleştirecekmiz, çünki bizler içün bu pek müimdir. Ögümizde mahsus bir şartlar bar, amma ketişat siyasetke bağlı olğanını añlamaq kerek. Bizni ğayet qıyın iş beklemekte», – dedi Balahniçev.

«Biz nasıl qaidelerge uymaq kerekmiz degen sualimiz boyunca arizanı endi yolladıq», – dep qoştı o.

XS
SM
MD
LG