Link açıqlığı

SNBO: Ukraina ile Rusiye sıñırında yaşağanlar öz evlerini taşlap keteler


Ukraina ile Rusiye sıñırındaki mesken yerleriniñ sakinleri Rusiyeniñ içine ketmege tırışalar.

Bunı Ukraina SNBO vekili Andriy Lısenko bildirdi, dep haber ete Azatlıq Radiosı.

«Olğan malümatqa köre, Rusiye Federatsiyasınıñ Belgorod vilâyetiniñ sıñırğa yaqın rayonlarınıñ sakinleri şahsiy evlerini acele satıp, Rusiyeniñ art vilâyetlerine köçmege tırışalar», – dedi Lısenko.

Faqat, onıñ sözlerine köre, terrorizmge qarşı ameliyatınıñ bölüklerine Rusiye tarafından ateş ep açılmaqtadır.

Keçken kün devamında Rusiye tarafından «Grad» tertibatı ile terrorizmge qarşı ameliyatınıñ İlinka, Kamışnıy, Berezovoy, Amvrosiyevka, Voyhovskiy mesken yerleriniñ rayonlarında yerleşken blokpostlarına ateş açılğan edi. Lugansk ava limanı da atışqa oğradı, dedi spiker.

XS
SM
MD
LG