Link açıqlığı

«Qırım diasporası»: Qırımdan köçip kelgenlerniñ çoqusı alâ daa maliyeviy yardımnı körmediler


Qırımdan mecburen köçip kelgenlerniñ çoqusı maliye yardımnı almaq içün muracaat etken qıtaiy Ukrainanıñ yerli şuralarından alâ daa cevap körmediler.

Bunı «Ukraina buhraniy media-merkezinde» «Qırım diasporası» cemaat teşkilâtınıñ başı Anatoliy Zasoba bildirdi, dep haber ete Qırım.Aqiqat saytı.

Onıñ sözlerine köre, Ukrainanıñ bütün regionlarından söz yalıñız Kiyevniñ 12 vilâyeti aqqında kete.

«Paranıñ büyük bir qısmı üç regionğa: 10 million Odessağa, 10 million Lvov ve 3 million Kiyevge ayırıldı. Bu cedvelge kirmegen vilâyetler de bar, amma anda parağa muhtac olğan mecburen köçip kelgenlerniñ büyük miqdarı yaşay», – dedi Zasoba.

Onıñ sözlerine köre, paranı tek istiraat evlerinde ve şifahanelerden yaşağanlar elde ete bileler.

«Digerleri ise çette qaldı. Qorantalarnıñ diqqatını bu qararnıñ üçünci maddesine celp etmege isteymiz. İnsanlar barıp ariza yazmalı, yerli şuralardan para tölenilmesini talap etmeli»,– dedi Zasoba.

Onıñ sözlerine köre, qararda ödevniñ müddeti de qayd etilmegen.

Hatırlatamız, Qırım ve Aqyardan köçip kelgen qorantalarnıñ vaqtınca keçindirüvine 25 million 166,19 biñ grivna ayırılğan edi.

İyünniñ soñunda Nazirler kabinetiniñ naziri Ostap Semerak Kivede matbuat-konferentsiyasında bu para vilâyet devlet memuriyetleriniñ arizaları ile ayrılğanını bildirgen edi.

XS
SM
MD
LG