Rosreyestr ve Kadastrovaya palata Qırımda taşınmaz mülk ve devlet kadastr esabatınıñ alıp baruvı içün uquqnıñ qayd etüvini toqtattı. Bunı Qırımnıñ «devlet qayd etüv ve kadastr boyunca devlet komitetiniñ reisi» Aleksandr Spiridonov bildirdi, dep haber ete Qırım «akimiyeti»niñ ruporı Krıminform.
Onıñ sözlerine köre, taşınmaz mülkniñ ve kadastr esabatınıñ alıp baruvı içün uquqlarnıñ qayd etüvi boyunca Rosreyestr ve Kadastrovaya palatanıñ vazifeleri devlet qayd etüv ve kadastr boyunca devlet komitetine keçecek eken.
«Olğan malümatqa köre, Goskomregistr vesiqalarnıñ qabul etüv-berüv boyunca işine avgust 1-den başlamalı. Al-azırda azırlıq işleri alıp barıla»,– dedi Spiridonov.
Qırım Goskomregistri Aqmescitte Ğalebe caddesi, 165 adresi boyunca yerleşecek.
