Link açıqlığı

Saatnıñ esas haberi

İyül 23 – 24-ne keçer gecesi dünya musulmanları Ramazan ayınıñ eñ mubarek gecesi sayılğan – Qadır Gecesini qarşıladılar.

Aqmescitniñ Kebir camisinde bu munasebetnen mahsus diniy programma ötkerildi. Qırım.Aqiqat mühbiri bildirgeni kibi, tedbir ekindi namazından soñ teşkil etildi. Cami imamı Niyazi Ramazanov türk ocalarınen birlikte Qadır Gecesiniñ hususiyetleri aqqında ikâye etti, bu geceni nasıl etip ötkermek kerekligini, yapılacaq dualarnı bildirdi.

İslam qaynaqlarına köre, tamam bu gece Muhammed Peyğamber (s.a.s)-ge Cebrail melegi eñip, "Oqu!" (Qurannı) dedi.

Bu gece Allahtan afu soranıp, muqaddes Quran oqula. Nafile ve qaza namazları qılına, elâllıq istenile, kelecekke ümütler bağalana.

XS
SM
MD
LG