Qırımtatar yırcısı Camala Yurmalada «Novaya volna» yarışında öz çıqışını Ukrainağa bağışlaycaq. Bunı qırımlı öz Facebook saifesinde bildirdi.
«Bugün Avropanıñ eñ güzel şeerlerinden birisi olğan – Yurmalanıñ sanasına çıqacam. New Wave (Novaya volna) yarışında çoq şey aqqında aytacaq yırnı icra etecegim! Şimdi etrafta laf, laf… Ğayet çoq laf – bizlerni takbih etken, ıncıtqan laf ve ilâhre. Menimce, yalıñız muzıka sözlerniñ emiyetini ifadelep olur, olarnı mana, duyğu, sevgi ile toldura bile», – dep yazdı Camala.
Yırcı şunı da qayd etti ki, o, yırnı ingliz tilinde tesadüfen saylamadı. Onıñ aytqanına köre, yırlağan sözlerni bütün dünya añlamalı, «Ukrainada cenk içün yer olmağanını» bütün alem bilmeli.
«Er şey yahşı olacağına eminim!» – bu sözlerini yırcı ukrain, rus ve ingliz tillerinde yazıp, saat 21:00 TRK «Ukraina» telekanalında Yurmaladan yayınlav olacağını hatırlattı.
