Qanun çıqarıcılar Ukrainağa qarşı arbiy istilâ, Qırım işğaline ve Ukrainada terrorizmniñ maliye destegine bağlı olğanlarğa nisbeten cezalarnı kirsetecekler.
Ukraina nazirler Kabinetiniñ naziri Ostap Semerak bildirgenine köre, cezalarnıñ azırlanuvı boyunca komitet bir afta içinde Ukraina Nazirler Kabinetine işbu qararlarnıñ leyhasını bermeli.
Cezalar boyunca mütenasip komitetiniñ teşkil etilmesi aqqında ükümet toplaşuvı vaqtında baş nazir Arseniy Yatsenük bildirdi, dep haber ete onıñ matbuat hızmeti.
Yatsenükniñ sözlerine köre, komitet terkibine çetel işler nazirliginiñ, adliye nazirliginiñ, «iqtisadiy ve maliye bloklarnıñ, uquq qorçalayıcı organlarınıñ» vekilleri kirecek.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
