Keriç keçitinden bir kün içinde 3376 maşinanı keçirdiler. Bunı iyül 23 künü Rusiyeniñ Yekâne naqliyat müdirligi bildirdi.
Olğan malümatqa köre, iyül 22 künü saat 18:00-den iyül 23 künü saat 10:00-ğace paromlar eki tarafqa 36 sefer yaptı.
Nevbetçiniñ aytqanına binayen, al-azırda «Kavkaz» limanında 632 maşna nevbette tura, «Qırım» limanında nevbet yoq.
Keçken kün devamında 3376 maşina ve «yekâne bilet» boyunca 3062 yolcu keçirildi.
«6 parom çalışa edi. «Olimpiada» ve «İonas» 6 sefer yaptı, eki tarafqa 919 maşina avuştırıldı», – deyler Yekâne naqliyat müdirliginde.
Evel bildirilgeni kibi, Keriç paromlı keçitinde avgust 1-den maşinalar içün mahsus meydançıqlarnı açmağa planlaştıralar.
