Link açıqlığı

Yuqarı Şurada Simonenkonı kene dögip quvdılar


Ukraina Yuqarı Şurasınıñ bugünki toplaşuvında kene kütleviy dögüş oldı.

«Svoboda» firqasınıñ deputatı Оleksiy Kayda zaldan KPU firqasınıñ reisi Petro Simonenkonı çıqarmağa talap ete edi. Kaydanıñ sözlerine köre, Simonenko Rusiye matbuat vastalarına akimiyet Ukrainada «biñlerce ukrainlilerni öldürgenini, ATO zonasında elâk olğanlarnı ise müçelerge ayırğanlarını» bildirgen eken.

Şura spikeri Оleksandr Turçinov Simonenkonıñ çıqarıluvı aqqında sualni rey berüvige qoymadı.

Bundan soñ «Svoboda» deputatları rey berüvsiz Simonenkonı zaldan türtip çıqardılar. Evel «Svoboda» deputatları kommunistlerniñ yetekçisini zaldan endi quvğan ediler.

XS
SM
MD
LG