Link açıqlığı

İşğal etilgen Aqmescit ava limanı çarşenbe künü, iyül 23-de, millionuncı turistniñ tantanalı ozğaruvnı teşkil etti. 2014 senesi sıñırdan 2013 senesine köre, daa da erte keçtiler, o vaqıt millionuncı turistni sentâbr 30 künü, 2012 senesi – oktâbr 24 künü ozğardılar, dep haber ete Qırım.Aqiqat mühbiri.

İşbu turist programmacı Aleksey Berejnoy oldı. O qadını ve bir yaşında olğan Mayya qızı ile Kezlevde raatlana edi, bugün ise aile Moskvağa uçtı. Yarımadadaki raatlanuvından qoranta memnünn qaldı eken.

Qırım «spikeri» Vladimir Konstantinov Berejnoylarğa yarımadanıñ istiraat evlerinden birisinde bir aftalıq raatlanuv sertifikatını bağışladı. «Aeroflot»tan ise ailege biznes-klass uçuşına sertifikat berildi.

«Aqmescit» ava limanı 1936 senesi quruldı. Mında yolcu ve yük uçaqlarınıñ bütün çeşitleri qona bile. Ava liman yolcularnıñ taşuv miqdarı boyunca Ukrainada ekinci yerde tura. Bugün 22 ava şirketi «Aqmescit»ten 38 yöneliş boyunca seferlerni keçire. 2014 senesiniñ başından 3455 uçuş yapıldı.

«Aqmescit» ava limanı iyül 19 künü halqara seferlerni ğayrıdan açtı. «Groznıy Avia» ava şirketiniñ Yak-42 uçağı «Aqmescit-İstanbul» yönelişi boyunca seferni keçirdi.

Qırım iyünniñ soñunda №1 000 001 i 1 000 002 turistlerni – Yelena Şestakova oğlu ile – Donetsk sakinlerini qarşıladı.

Qırım 2013 senesi mustaqil Ukraina zamanında turistlerniñ rekord sayısını qabul etti – 6 milliondan ziyade. 2014 senesi 3 million turistni qarşılamağa azırlana.

XS
SM
MD
LG