Link açıqlığı

Saatnıñ esas haberi

Ukraina Rusiyelilerge qarşı şahsiy cezalarnı kirsetecek


Nazirler Kabineti Rusiyelilerge ve Ukrainada terroristlerge maliyeviy destek köstergen şirketlerge qarşı şahsiy cezalarnı kirsetecek.

Cezalar boyunca mütenasip komitetiniñ teşkil etilmesi aqqında ükümet toplaşuvı vaqtında baş nazir Arseniy Yatsenük bildirdi, dep haber ete onıñ matbuat hızmeti.

Yatsenükniñ sözlerine köre, komitet terkibine çetel işler nazirliginiñ, adliye nazirliginiñ, «iqtisadiy ve maliye bloklarnıñ, uquq qorçalayıcı organlarınıñ» vekilleri kirecek.

«Ukraina RF pasportı olğan ve nasıldır bir ceetten terroristlerge destek köstergen er bir şahısqa qarşı cezalarnı kirsetecek. Komitet Qırımnıñ işğalini desteklegen er bir şirketiniñ esabatını da alıp baracaq», – dedi Yatsenük.

Yatsenük 10 kün devamında cezalarğa oğraycaq şahıslarnıñ cedvelini azırlamağa avale etti.

XS
SM
MD
LG