Link açıqlığı

Ukrainada urıp tüşürilgen Malaysia Airlines «Boeing 777» uçağınıñ eki «qara qutusını» Büyük Britaniyağa teslim ettiler. Bunı Azatlıq Radiosı mühbiriniñ sualine cevap olaraq Ukrainada Büyük Britaniya elçisi Saymon Smit ayttı.

Elçiniñ sözlerine köre, felâkette 10 britaniyalı elâk oldı. Olarnı Felemenkte keçirilecek tanuvdan soñ Büyük Britayaniğa qaytaracaqlar, dedi Smit.

Yaqında Harkovğa iyül 17 künü Donetsk vilâyetinde tüşürilgen Malaysia uçağınıñ yolcularınıñ cesetleri ile tren keldi. Bu tren vastası ile «qara qutular» da ketirildi.

Amsterdam (Felemenk) – Kuala-Lumpur (Malaysia) seferi boyunca uçqan Malaysia Airlines «Boeing 777» uçağı iyül 17 künü Ukraina şarqına tüşürildi. 298 insan elâk oldı.

Ğarp ve Ukraina akimiyeti uçaq Rusiye destegi ile boyeviklerniñ tarafından tüşürilgenini bildireler.

XS
SM
MD
LG