Link açıqlığı

Saatnıñ esas haberi

Ellerinde keri qaytmaq içün biletleri olğan ukrainliler Qırımda trenlerniñ yönelüv vaqtında adaşalar


Qırımdan barğan trenler biletlerinde «Ukrzalіznitsâ» alâ daa Kiyev vaqtını belgiley.

Qırımğa qıtaiy Ukrainadan kelgen yolcularnıñ çoqusı trenniñ yönelüv vaqtını vokzalnıñ malümat kassalarında sorap bilmek mecbur, dep bildire Qırım.Aqiqat mühbiri.

«Qasevet çeke edim, kim bile, belki bu nasıldır bir qarışıqlıqtır ve tren yerli vaqıt boyunca degil de, Kiyev vaqtı boyunca keter. Eki kere malümat hızmetine telefon açqan edim», – dep tarif etti Harkov sakini Yevgeniya.

Keriçniñ demir yol vokzalınıñ malümat hızmetinde yolcularğa tren yönelüviniñ eki vaqtını aytalar.

Bilet fiyatları mında daa deñişmedi. Yolcularnıñ çoqusı ise fiyatlarnıñ üç qat paalılaşuvından qorqıp, keri biletlerni qıtada almaqtalar. Böyleliknen, Keriçten Kiyevge platskart vagonı 480 ruble, kupe – 810 ruble tura. Harkovğa platskart vagonında 297 ruble, kupede – 502 ruble tölep, barmağa mümkün. Harkov – Keriç bilet 153 grivna tura.

XS
SM
MD
LG