Harkov halqara ava limanında «Boeing-777» felâketinde elâk olğanlar ile resmiy vedalaşuv tedbiri keçirile, soñra cesetlerni Felemenkke yollaycaqlar, dep haber ete Azatlaıq Radiosı.
«Tebdirni saat 11:00 başlamaq niyetindemiz. Tedbirde dünyanıñ çeşit memleket diplomatlarınıñ iştiragi beklenile», – dedi akimiyet komissiya reisi, Ukraina birinci baş nazir muavini Volodımır Groysman.
«Yollanılğan cesetlerniñ sayısı ekspertlerniñ tarafından belgilenecek», – qayd etti Groysman.
Felemenkte MH17 sefer uçağınıñ felâketi qurbanlarınıñ hatırasına matem künü ilân etildi. Bunı Felemenkniñ baş naziri Mark Rutte bildirdi.
Malaysia Airlines uçağında elâk olğan 298 insandan 193 felemenkli edi.
Azatlıq Radiosı canlı yayın alıp bara.
