Qırım müftiyatı Qadır Gecesi künü er kesni Kebir Camige davet ete.
Musulmanlar içün muqaddes Ramadan ayınıñ eñ muqaddes gecesi – Leyletul-qadr (Qadır Gecesi) islâm alimleriniñ tahminlerine köre Ramadan ayınıñ 27 kününe keçer gecesine kele.
Yani iyül 23-den 24-ne keçer gecesi ola. Qırım paytahtınıñ esas camisi olğan, Kebir Camide Qadır Gejesine bağışlanğan din tedbirleri ekindi namazından soñ başlanacaq. İyül 23 künü ekindi namazınıñ vaqtı saat 17:59 kele.
Qırım müftiyatı matbuat hızmetiniñ bildirgenine köre, aqşam devamında Kebir camisiniñ imamı Niyazi Ramazanov din boyunca türk ocalarınen birlikte şu geceniñ hususiyetlerini aydınlatacaqlar. Musulmanlarnı onı nasıl şekilde keçirmeleri aqqında tarif etecekler. Qurandan ayetler oqulacaq, birlikte dua etilecek.
Qadır Gecesinden soñ müminlerni suhur ile sıylaycaqlar.
Bu kibi tedbirlerniñ qırımnıñ diger camilerinde de ötkerilmesi belgilendi.
