Link açıqlığı

Avgustta Tarhan Qut burnunda «EXTREME Krım – 2014» festivali keçirilecek


İşğal etilgen Qırımda, Tarhan Qut burnunda avgust 2-10 künleri «EXTREME Krım – 2014» sportnıñ havflı çeşitleriniñ festivali keçirilecek.

Qırımnıñ öz başına ilân olunğan akimiyetiniñ ruporı «Krıminform» saytı bildirgenine köre, tedbir Qırımnıñ öz başına tayin etilgen baş naziri Sergey Aksönov ve Qırımnıñ «içki siyaset, haber ve alâqa nazirligi» destegi ile olıp keçecek eken.

Teşkilâtçılarnıñ sözlerine köre, festivalde avgust 3-5 künleri kaytserferlerniñ yarışı olacaqtır.

Festivalge Rusiye sportçu, idmancılarnıñ kelmesi beklenile. Bu sırada sport ustası, vidserfing boyunca Avropa çempionı Sergey Sablin da bar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG