Link açıqlığı

Saatnıñ esas haberi

Qırımda mecburiy tibbiy sigortağa 75 million ruble ayıracaq olalar


Mecburiy tibbiy sigortasınıñ Rusiye Federal fondı parası işğal etilgen Qırımda mecburiy tibbiy sigorta tertibatınıñ teşkil etilmesine ayırılacaq.

Mütenasip qararnı iyül 22 künü Rusiye prezidenti Vladimir Putin imzaladı, – dep bildire Qırımnıñ öz başına ilân etilgen akimiyetine yaqın olğan «Krıminform» saytı.

Vesiqağa köre, bu seneniñ soñuna qadar Qırımnıñ mecburiy tibbiy sigorta territorial fondına 60 mln ruble ve Aqyarğa 15 mln ruble ayırıla bile.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG