Link açıqlığı

Groysman: ekspertler «Boeing» qurbanlarını Felemenkke yollamağa azırlanalar


Malaysia Airlines şirketiniñ Boeing 777 uçağınıñ felâketi taqiqatında iştirak etken memleketlerniñ ekspertleri elâk olğanlarnıñ cesetlerini Felemenkke yollamağa azırlana.

Bunı uçaqnıñ felâketi taqiqatı boyunca devlet komissiya reisi, Ukraina baş naziri muavini Vladimir Groysman bildirdi.

Onıñ sözlerine köre, ketişatqa 90 ekspert ve halqara teşkilâtlarnıñ tahminen 30 vekili celp etildi. Ekspertler GP «İ. O. Malışev adına zavodı»nıñ territoriyasında çalışalar. İş ketişatı Ukraina ve halqara qanuniyetine köre keçirile.

Vladimir Groysman şunı da bildirdi ki, cesetlerniñ tanuvı ve mahkeme-tibbiy teşkerüvler Felemenkte keçirilecek. O, elâk olğanlarnıñ cesetlerini avuştıruvğa azırlamaq içün ne qadar vaqıt kerek olacağını aytıp olamadı, amma bir qaç saat devamında bildirecegini qayd etti.

«Ukraina tarafı bunı eñ qısqa müddet içinde becermege tırışır», – dedi o.

Baş nazir muavini Malaysia, Felemenk, Ukraina ve ІSAO arasında muzakerelerniñ keçirilüvini de bildirdi.

XS
SM
MD
LG