Terrorizmge qarşı ameliyat quvetleri Lugansk vilâyetiniñ Popasnaya mesken yerini boyeviklerden azat etti. Bunı öz Facebook saifesinde «Donbass» batalyonınıñ komandanı Semen Semençenko bildirdi.
«Popasnaya bütünley azat etildi. Memuriy binalar üzerinde endi ukrain bayraqları yelpirey. Terroristler qomşu Pervomaysktan qaçmağa başladı. Silânı taşlap keteler. Doğru, sıñırğace barmağa yetiştirmek kerek», – yazdı Semençenko.
«Donbass» batalyonınıñ komandanı şunı da qoştı, Pervomaysk mesken yeri kirişinde blokpost yoq etilgen eken.
Evel Ukraina prezidentine Baş ştabnıñ yolbaşçısı, general-leytenant Viktor Mujenko Ukrainanıñ silâlı quvetleri Lugansk vilâyetiniñ Severodonetsk şeerine kirgenini haber etken edi.
Lugansk ve Donetsk vilâyetlerinde terrorizmge qarşı ameliyat aprelniñ 15 kününden keçirile.
