Link açıqlığı

«Qırım – Rusiye Cenübi» mahsulat ve hızmet sergisini keçit nevbeti sebebinden küzge qaldırdılar


Keriç keçitinde naqliyat nevbeti sebebinden işğal etilgen Qırımda «Qırım – Rusiye Cenübi» mahsulat ve hızmet sergisiniñ keçirilmesini lâğu ettiler.

Qırımnnı öz başına tayin etilgen akimiyetine yaqın olğan «Krıminform» saytı bergen malümatına köre, Aqyar, Kezlev ve Aqmescitte keçirilmesi planlaştırılğan tedbirni küzge qaldırdılar. Bunı iyül 22 künü «Doninvest» bankınıñ prezidenti, «Laskovıy may» taqımınıñ prodüsseri Andrey Razin bildirdi.

«Qırımğa kelgen insanlarnıñ büyük aqımı sebebinden sergige qoşulacaq olğan insanlar kelip olamaylar, çünki Keriç keçitinde paromnı 30 saat beklemeli»,– dedi Razin.

O şunı da ayttı, tedbir mıtlaqa keçirilecek, amma endi küzde, sentâbr-oktâbr aylarında.

«Qırım-Rusiye Cenübi» sergisiniñ teşebbüsçisi Rusiye iqtisadiy inkişaf Nazirligi oldı.

XS
SM
MD
LG