Bağçasaray şeer başı qırımtatar milliy Meclisiniñ regional bölügini binasız qaldırmağa istey.
Bunı Qırım.Aqiqat saytına qırımtatar milliy Meclis reisiniñ muavini Ahtem Çiygoz bildirdi.
«Bağçasaray şeer başı Bağçaray regional Meclisi bulunğan binanıñ kira müddetiniñ toqtatıluvı boyunca mahkeme işini açtı», – dedi Çiygoz.
Onıñ sözlerine köre, bu «akimiyet»iniñ qırımtatarlarğa etilgen nevbetteki basım areketidir.
Evel qayd etilgeni kibi, salı künü, iyül 22-de, Bağçasarayda qırımtatar qavehaneleriniñ kütleviy tintüvleri keçirildi. Mecliste bunı «tarik ve qırımtatarlarnı qorquzuv numayışı» olaraq tanıdılar.
